|
кофирлик бўлади. Масалан, ўзи намоз ўқимаслиги билан бирга намознинг фарзлигини инкор ҳам қиладиган, ароқнинг ҳаромлигини инкор қиладиган, санамга, будга ибодат қиладиган, кофирларнинг ибодатини қиладиган одам кофирдир.
Шунга кўра гуноҳкорлик бошқа, кофирлик бошқа. Бу гапларни айтаётганимнинг боиси шуки, шу кунларда ўзининг мусулмон биродарини гумон билан кофирга чиқарадиганлар пайдо бўлиб қолишди. Улар учун кофирга чиқариш енгил бир ишга айланиб қолди. Ҳолбуки, қатъий далилсиз бир мусулмонни кофирга чиқариш Исломда жуда катта гуноҳдир. Пайғамбар с.а.в. айтадилар:
«مَنْ قَالَ لِأَخِيهِ يَا كَافِرُ فَقَدْ بَاءَ بِهَا أَحَدُهُمَا»
«Кимки ўз биродарига, эй кофир, деса, демак, шу гап билан улардан бири (ўз имонини) бой берибди». (Яъни, бировни ноҳақ кофир, деган одамнинг ўзи кофир бўлиб қолади). Бу ҳадисни Аҳмад чиқарган.
Шунинг учун биродарининг гуноҳ қилаётганини кўрган киши уни кофирга чиқаришга шошилмасин. Аксинча, уни яхшиликка буюриб, ёмонликдан қайтаришга ошиқсин. Токи, биродари ўнглансин, гуноҳини англасин, Парвардигоридан мағфират қилишини, кечиришини сўрасин.
Шуни айтиб ўтиш мақсадга мувофиқки, қатъий тасдиққа алоқадор бўлган имоннинг жойи қалбдир. Биз қалбнинг ичини то соҳибининг ўзи очиқ билдирмагунига қадар била олмаймиз. Шунинг учун ҳам мусулмонни қатъий далилсиз кофирга чиқариш Аллоҳнинг наздида катта гуноҳдир, дедик.
Бу бир томондан. Яна бир томондан номига, хўжакўрсинга мусулмон бўлиб, ичидан Исломни инкор қиладиган кишининг мусулмонлиги Аллоҳнинг олдига борганида фойда бермайди. Аксинча унинг азоби баттар ортади. Негаки, бундай мусулмонлик мунофиқларнинг мусулмонлигидир.
قَالَتِ الْأَعْرَابُ آمَنَّا قُل لَّمْ تُؤْمِنُوا وَلَكِن قُولُوا أَسْلَمْنَا وَلَمَّا يَدْخُلِ الْإِيمَانُ فِي قُلُوبِكُمْ
– „Аъробийлар: «Имон келтирдик», дедилар. (Эй Муҳаммад, уларга) айтинг: «Сизлар имон келтирганларингиз йўқ, лекин сизлар «бўйсундик», денглар, (чунки ҳали-ҳануз) имон дилларингизга кирган эмасдир“. [49:14]
53-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204